ЗАСГИЙН ГАЗАР ИРЭХ БААСАН ГАРИГТ ХУРАЛДАНА

0
35

Энэ сарын 16-ны баасан гарагт Засгийн газрын хуралдааныг товложээ. Хуралдаанаар дельта вирусээс урьдчилан сэргийлэх зорилгоор гаднаас ирэх иргэдээс түргэвчилсэн шинжилгээ авах эсэх, дельта вирус бүртгэгдсэн орнуудаас нислэг хүлээн авах гэх мэт асуудлыг хэлэлцэнэ.

Шадар сайд С.Амарсайхан өчигдөр Ерөнхий сайдтай уулзах үеэрээ манай улсын нийт хүн амын 55 хувь нь бүрэн тундаа хамрагдсан ч вакцинжуулалтыг идэвхжүүлэх шаардлага бий гэсэн юм. Тэгэхээр вакцинжуулалтыг идэвхижүүлэх асуудлыг мөн хэлэлцэх бололтой.

Түүнчлэн Авлигын индексийг бууруулах Засгийн газрын үндэсний комисс байгуулах болжээ. Одоогоор манай улс авлигын индексээр 111 дүгээрт байгаа юм. Үүнийг хоёр оронтой тоо бууруулах зорилтыг Засгийн газраас дэвшүүлсэн. Шинээр байгуулах комисс анхан, дунд шатны төрийн албан хаагчдын авлигын хэргүүд дээр төвлөрч ажиллана гэж Ерөнхий сайд Л.Оюун-Эрдэнэ мэдэгдсэн билээ.

Эх сурвалж:www.aguulga.mn М.Өнөр